Türkmenistanyň Magtymguly adyndaky Ýaşlar guramasynyň Merkezi Geňeşi, Türkmenistanyň Telewideniýe, radiogepleşikler we kinematografiýa baradaky döwlet komitetiniň «Aşgabat» teleýaýlymy bilen bilelikde yglan eden «Ak şäheriň şu güni» atly zehin synagly teleýazgyly gepleşiginiň
DÜZGÜNNAMASY
Türkmenistanyň Magtymguly adyndaky Ýaşlar guramasynyň Merkezi Geňeşi Türkmenistanyň Telewideniýe, radiogepleşikler we kinematografiýa baradaky döwlet komitetiniň «Aşgabat» teleýaýlymy bilen bilelikde «Ak şäheriň şu güni» atly zehin synagly teleýazgyly gepleşigini yglan edýär. Zehin synagynyň baş maksady paýtagtymyzyň ýaşaýjylarynyň we myhmanlarynyň dürli maksat bilen ýola rowana bolýan wagtlaryny netijeli geçirmeklerini gazanmakdan, olary üstünliklere ruhlandyrmakdan, höweslendirmekden we zehinlerini, bilim derejelerini artdyrmakdan ybaratdyr.
«Ak şäheriň şu güni» atly zehin synagly teleýazgyly gepleşiginiň şertleri we geçiş tertibi:
1. Zehin synagyna paýtagtymyzyň ýaşaýjylary we myhmanlary gatnaşyp bilerler.
2. «Ak şäheriň şu güni» atly zehin synagynyň teleýazgyly gepleşigi paýtagtymyz Aşgabadyň ýaşaýjylaryna we myhmanlaryna hyzmat edýän takside guralar;
3. Aşgabadyň ýaşaýjylary we myhmanlary takside barýan wagtlarynda sorag-jogap alyşmak arkaly «Aşgabat» teleýaýlymynyň alyp baryjysy tarapyndan zehin synagy dowam eder;
4. Zehin synagynda birnäçe ugurlar boýunça dürli-dürli sowallar beriler;
5. Zehin synagynda beriljek ähli soraglar, şeýle hem teleýazgy üçin gerek bolan taksiler «Aşgabat» teleýaýlymy tarapyndan sargyt ediler;
Türkmenistanyň Magtymguly adyndaky Ýaşlar guramasynyň Merkezi Geňeşi Türkmenistanyň Telewideniýe, radiogepleşikler we kinematografiýa baradaky döwlet komitetiniň «Aşgabat» teleýaýlymy bilen bilelikde guramaçylyk etmeginde «Ak şäheriň şu güni» atly zehin synagly teleýazgyly gepleşigi her hepdäniň iş günleri paýtagtymyz Aşgabadyň dürli ýerlerinde «Aşgabat» teleýaýlymy tarapyndan, dürli-dürli wagtlarda ýazgy ediler, şeýle-de «Aşgabat» teleýaýlymynda dolylygyna we Türkmenistanyň Magtymguly adyndaky Ýaşlar guramasynyň Merkezi Geňeşiniň www.yashlar.gov.tm elektron web saýtynda käbir pursatlary halk köpçüligine yzygider ýetiriler.
«Ak şäheriň şu güni» atly zehin synagly telebäsleşiginiň ýeňijileri Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan ýadygärlik sowgatlary bilen sylaglanarlar.
Türkmenistanyň Magtymguly adyndaky Ýaşlar guramasynyň Merkezi Geňeşi Türkmenistanyň Telewideniýe, radiogepleşikler we kinematografiýa baradaky döwlet komitetiniň «Aşgabat» teleýaýlymy bilen bilelikde yglan eden «Ak şäheriň şu güni» atly zehin synagyna ýurdumyzyň ähli ýerlerinden gelen myhmanlar we paýtagtymyzyň ýaşaýjylary öz isleglerine görä hem habarlaşyp, zehin synagyna gatnaşyp bilerler.
Habarlaşmak üçin telefon belgilerimiz:
Türkmenistanyň Magtymguly adyndaky Ýaşlar guramasynyň Merkezi Geňeşi: 44-88-80
Türkmenistanyň Telewideniýe, radiogepleşikler we kinematografiýa baradaky döwlet komitetiniň «Aşgabat» teleýaýlymy: 44-28-14
