«El hünäri — il gezer» atly döredijilik bäsleşik

Türkmenistanyň Magtymguly adyndaky Ýaşlar guramasynyň Merkezi Geňeşi Türkmenistanyň Bilim ministrligi bilen bilelikde Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli ýurdumyzyň umumybilim berýän orta mekdepleriniň okuwçylarynyň arasynda geçirýän «El hünäri — il gezer» atly döredijilik bäsleşiginiň

DÜZGÜNNAMASY

I. Umumy düzgünler:

1. Şu Düz­gün­na­ma «El hü­nä­ri — il ge­zer» at­ly dö­re­di­ji­lik bäs­le­şi­gi­niň maksatlaryny, wezipelerini, şertlerini we geçiş tertibini kesgitleýär.

2. Bäsleşigiň esasy maksady Berkarar döwletimiziň bagtyýarlyk döwründe ýaş nesli milli gymmatlyklarymyzyň esasynda terbiýelemekden, ýurdumyzyň ýaşlarynyň tebigy zehinlerini ýüze çykarmakdan, halkymyzyň nesilden-nesle geçirip, sünnälän, sungat derejesine ýetiren halk senetçiliginiň we sungatynyň görnüşlerini ýaşlaryň arasynda giňden wagyz etmekden, hünärlere ugrukdyrmakdan, ýaş nesliň halk senetçiligi bilen meşgullanmagyna giň ýol açmakdan hem-de olaryň ukyp-başarnyklaryny açyp görkezmekden, mekdep okuwçylarynyň döredijilige, sungata bolan höweslerini has-da artdyrmakdan ybaratdyr.

II. Bäsleşigiň şertleri we geçiş tertibi:

1. Bäsleşige ýurdumyzyň umumybilim berýän orta mekdeplerinde okaýan okuwçylar gatnaşýarlar. Olaryň türkmen halkynyň baý geçmiş mirasyny, medeni gymmatlyklarymyzy, däp-dessurlarymyzy şöhlelendirýän amaly-haşam döredijilik işleri (zergärçilik, küýzegärçilik, heýkeltaraşlyk, milli işleri) hem-de çeken suratlary we fotosuratlary degişlilikde bäsleşigiň etrap (şäher), Aşgabat şäher we welaýat tapgyrlarynyň guramaçylyk toparyna hödürlenilýär.

2. Bäsleşigiň her tapgyrynda eminler topary tarapyndan ýerlerden saýlanyp alnan işler bäsleşigiň nobatdaky tapgyryna hödürlener.

3. Bäsleşigiň ýeňijileri baradaky şu maglumatlar her tapgyrdan soň nobatdaky tapgyryň guramaçylyk toparyna 5 günden gijä galman iberilmelidir:

— bäs­le­şi­ge gat­na­şy­jy­nyň dog­luş hakyndaky şahadatnamasynyň ýa-da pasportynyň göçürmesi;

— bäs­le­şi­ge gat­na­şy­jy­nyň dog­luş hakyndaky şahadatnamasynyň ýa-da pasportynyň göçürmesi;

— gat­na­şy­jy­nyň ýa­şa­ýan ýe­ri­niň salgysy we telefon belgisi;

— 3x4 öl­çeg­dä­ki 2 sa­ny fo­to­su­rat hem-de özi we dogan-garyndaşlary hakyndaky şahsy maglumat.

4. Bäs­le­şi­ge gat­naş­ýan okuw­çylaryň hödürlän işlerinde hormatly Prezidentimiziň baştutanlygynda alnyp barylýan beýik işler, ýetilen sepgitler, halkymyzyň baý geçmiş mirasy, medeni gymmatlyklarymyz, milli senetçilik däplerimiz, ata-babalarymyzdan we ene-mamalarymyzdan nesilden-nesle geçip, dowam edip gelýän milli işleriň görnüşleri, milli baýramçylyklarymyz, taryhy we medeni ýadygärliklerimiz (maket görnüşi), «Türk­me­nis­tan — Bi­ta­rap­ly­gyň me­ka­ny» ýy­ly­myz, ýaş­la­ryň bag­ty­ýar durmuşy, bagtyýarlyk döwrümiziň çeper keşbi wasp edilip, olarda «Döwlet adam üçin­dir!» di­ýen baş şy­ga­ry­myz şöhlelenmelidir.

5. Bäsleşige hödürlenýän surat eserle­ri­niň öl­çe­gi 50x70 san­ti­metr (bo­ýy 50 san­ti­metr, ini 70 san­ti­metr) ulu­lykdaky kagyza ýerleşdirilip, olaryň daşy ramkalanan görnüşde bolmaly we suratlar çekilende guaş reňkleri ulanylyp, olar plakat görnüşinde berilmeli. Fo­to­su­rat­la­ryň öl­çe­gi 15x20 san­ti­metr bolup, olaryň daşy kagyz ramkalanan görnüşde bolmaly.

6. Bäsleşigiň Aşgabat şäher we welaýat tapgyrynda seçilip alnan işler Türkmenistanyň Magtymguly adyndaky Ýaşlar guramasynyň ýerli Geňeşleri we Baş bilim müdirlikleri tarapyndan tassyklanan bolmalydyr.

7. Dö­re­di­ji­lik bäs­le­şi­gi şu aşak­daky tertipde üç tapgyrda geçirilýär:

— bi­rin­ji tap­gyr 2020-nji ýy­lyň 25-nji martyndan 6-njy apreline çenli aralykda etraplarda, şäherlerde geçirilýär;

— ikin­ji tap­gyr 2020-nji ýy­lyň 10 — 20-nji ap­re­li ara­ly­gyn­da welaýatlarda we Aşgabat şäherinde geçirilýär, bu tapgyra bäsleşigiň etrap, şäher tapgyrlarynda yglan edilen ugurlar boýunça 1-nji, 2-nji we 3-nji orunlary eýelän işler gatnaşdyrylýar;

— jem­leý­ji döw­let tap­gy­ry 2020-nji ýy­lyň 10 — 17-nji ma­ýy aralygynda Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli Aşgabat şäherinde geçirilýär, bu tapgyra bäsleşigiň Aşgabat şäher we welaýat tapgyrynda ugurlar boýunça 1-nji, 2-nji we 3-nji orunlary eýelän işleri taýýarlan mekdep okuwçylary gatnaşmaga hukuk gazanýarlar.

Bäsleşigiň ýeňijilerine Türkmenistanyň Magtymguly adyndaky Ýaşlar guramasynyň Merkezi Geňeşi we Türkmenistanyň Bilim ministrligi tarapyndan Diplomlar we sowgatlar gowşurylar.

Habarlaşmak üçin telefonlar:

Türkmenistanyň Magtymguly adyndaky Ýaşlar guramasynyň Merkezi Geňeşi: 44-88-79, 44-88-85;

Türkmenistanyň Bilim ministrligi: 44-86-40.

“Nesil” gazeti,

19.03.2020ý.