Şanly waka – Türkmenistanyň Prezidenti wezipesine saýlanan senesi mynasybetli milli Liderimiz Gurbanguly Berdimuhamedowy döwlet we jemgyýetçilik işgärleri, kärhanalaryň hem-de guramalaryň ýolbaşçylary gutlaýarlar. Gutlag hatlarynda döwlet Baştutanymyzyň ýolbaşçylygynda ýurdumyzda giň gerimli özgertmeleriň geçirilýändigi hem-de durmuşyň ähli ugurlarynda belent sepgitleriň gazanylýandygy nygtalýar. Hatlary we telegrammalary iberenler Berkarar döwletimiziň bagtyýarlyk döwründe milli Liderimiziň ýadawsyz tagallalary netijesinde, Türkmenistanyň deňsiztaýsyz üstünlikleri gazanandygyny belläp, döwlet Baştutanymyza tüýs ýürekden berk jan saglygyny, uzak ömür, bagtyýarlyk, Watanymyzy mundan beýläk-de gülledip ösdürmegiň, halkymyzyň abadan durmuşynyň bähbidine alyp barýan beýik işlerinde täze üstünlikleri arzuw edýärler.
Hormatly Prezidentimiz Gurbanguly Berdimuhamedowa Ministrler Kabinetiniň Başlygynyň orunbasarlary Ç.Amanow, S.Berdimuhamedow, Ş.Abdrahmanow, Ş.Durdylyýew, M.Geldinyýazow, Ç.Gylyjow, R.Meredow, M.Mämmedowa, G.Müşşikow, E.Orazgeldiýew, B.Öwezow tüýs ýürekden çykýan gutlaglaryny iberdiler.
Milli Liderimizi Türkmenistanyň Mejlisiniň deputatlarynyň adyndan G.Mämmedowa gutlady.
Türkmenistanyň Prezidentiniň Diwanynyň jogapkär işgärleri döwlet Baştutanymyza iň gowy arzuwlaryny ýolladylar.
Şanly waka bilen hormatly Prezidentimiz Gurbanguly Berdimuhamedowy ýurdumyzyň ýaşaýjylarynyň adyndan Ahal welaýatynyň häkimi Ý.Gurbanow, Balkan welaýatynyň häkimi T.Atahallyýew, Daşoguz welaýatynyň häkimi N.Nazarmyradow, Lebap welaýatynyň häkimi Ş.Amangeldiýew, Mary welaýatynyň häkimi D.Annaberdiýew, Aşgabat şäheriniň häkimi Ý.Gylyjow gutladylar.
Milli Liderimize Türkmenistanyň harby we hukuk goraýjy edaralarynyň ýolbaşçylary gutlag hatlaryny iberdiler.
Döwlet Baştutanymyz Gurbanguly Berdimuhamedowy şanly waka mynasybetli Türkmenistanda Saýlawlary we sala salşyklary geçirmek boýunça merkezi toparyň başlygy G.Myradow, Demokratik partiýanyň başlygy A.Serdarow, Senagatçylar we telekeçiler partiýasynyň Merkezi geňeşiniň başlygy S.Owganow, Agrar partiýanyň Merkezi geňeşiniňbaşlygy B.Annagurbanow, Kärdeşler arkalaşyklarynyň Milli merkeziniň başlygy, Zenanlar birleşiginiň Merkezi geňeşiniň başlygy G.Ataýewa, Magtymguly adyndaky Ýaşlar guramasynyň Merkezi geňeşiniň başlygy Ý.Öwezberdiýew, Dünýä türkmenleriniň ynsanperwer birleşiginiň Prezidentiniň orunbasary, Türkmenistanyň Halk Maslahatynyň Diwanynyň iş dolandyryjysy R.Bazarow, Parahatçylyk gaznasynyň müdiriýetiniň başlygy M.Saryýewa we köp sanly beýlekiler mähirli we tüýs ýürekden gutladylar.
