2022-nji ýylyň iýun aýynyň 15-ine Türkmenistanyň Magtymguly adyndaky Ýaşlar guramasynyň Mary welaýatynyň Baýramaly etrap Geňeşi, Baýramaly etrabynyň merkezi kitaphanasy bilen bilelikde gurnamaklarynda Milli mirasymyzy, ajaýyp däp-dessurlarymyzy, edep-ekramlygy, maşgala mukaddesliklerini wagyz etmek maksady bilen Baýramaly etrabynyň merkezi kitaphanasynda zähmet çekýän ýaş gelin-gyzlaryň arasynda “Ahlak arassalygy ruhy-tämizlik” ady bilen wagyz-nesihat duşuşygy geçirildi. Duşuşygyň dowamynda TMÝG-niň etrap Geňeşiniň guramaçylyk bölüminiň sanly ulgam boýunça esasy hünärmeni O.Allaberdiýewa, merkezi kitaphanasynyň müdiri M.Geldiýewa dagylar çykyş etdiler. Duşuşykda gadymy milliligimizi, gelin-gyzlaryň gylyk-häsiýetlerini, milli mirasymyzy, türkmen halkynyň gadymy ýörelgelerini, ahlak arassalygy we häzirki döwrümiziň ýeten derejeleri barada gürrüň etdiler. Geçirilen wagyz-nesihat duşuşygy uly many mazmuna eýe boldy.
Azat MUHIÝEW,
TMÝG-niň Mary welaýatynyň
Baýramaly etrap Geňeşiniň
guramaçylyk bölüminiň esasy
hünärmeni.
