Daýançdaky şatlykly günler
Berkarar döwletiň täze eýýamynyň Galkynyşy döwründe Hormatly prezidentimiziň parasatly baştutanlygynda ýurdumyz bedew bady bilen öňe barýar. “Halkyň Arkadagly zamanasy” diýen ajaýyp ýylymyzyň her bir güni şatlyk şowhuna beslenýär. Gahryman Arkadagymyz tarapyndan başy başlanan Arkadagly Serdarymyz tarapyndan dowam etdirilýän “Awaza” milli syýahatçylyk zolagy bu günki günde dünýä ýaň salýar. Türkmenistanyň Magtymguly adyndaky Ýaşlar guramasynyň Türkmenbaşy şäher Geňeşi, Türkmenistanyň Sport we ýaşlar syýasaty ministrliginiň Türkmenbaşy şäher bölümi bilen bilelikde gurnamaklarynda “Awaza” milli syýahatçylyk zolagyndaky “Daýanç” sagaldyş merkezinde dynç alýan çagalaryň arasynda tomusky dynç alyş günlerini gyzykly geçirmek maksady bilen kenar ýakada spordyň kiçi futbol, şaşka, çägede şekil ýasamak görnüşleri boýunça bäsleşikler hem-de çagalar kenarda batbörek uçurdylar. Bäsleşikde tapawutlanan çagalara TMÝG-niň Türkmenbaşy şäher Geňeşi tarapyndan ýadygärlik sowgatlary gowşuryldy. Soňra çagalar Awaza derýasynda ýörite gämilerde gezelenç etdiler. Awazanyň gözelligi, jana şypaly ekologik taýdan arassa howasy ruhyňy hassa belende göterýär. Gezelençden soňra çagalar “Awaza” akwaparkynyň içki howuzynda suwa düşdiler. Çagalaryň dynç alyş günleri diýseň gyzykly geçýär. Çagalara şeýle gyzykly dynç almak üçin döredip berýän ajaýyp mümkinçilikleri üçin Hormatly Prezidentimize köp köp sagbolsunlarymyzy aýtýarys. Ýaşlaryň hak howandary Gahryman Arkadagymyzyň, Arkadagly Serdarymyzyň janlary sag bolsun, alyp barýan beýik işleri rowana ýollarda rowaçlyklara beslensin.
Gurbanmyrat ABDYLWELIÝEW,
TMÝG-niň Türkmenbaşy şäher
Geňeşiniň esasy hünärmeni.
