Pederleriň nusgalyk mekdebine eýerýän,
Taryhyna buýsanyp,Watanymyza guwanýan,
Adalatdan şuglaly syýasata daýanýan,
Jemgyýete wepaly ýaşlary bar ilimiň!
Döwlet derejesinde aladalar edilýär,
Ylym-bilim, tehnika – barha öňe gidilýär,
Netijesi aýdyňdyr, batly ädim ädilýär,
«Ýaş alym» adyn alýan ýaşlary bar ilimiň!
Belent adamkärçilik häsiýetleri jemleýän,
Mertlik, merdanalygy asla elden bermeýän,
Ata-baba pentleri kalplarynda ornaýan,
Durmuş taýdan goragly ýaşlary bar ilimiň!
Nesilleriň arzuwy ine, bu gün wysaldyr,
VII Gurultaýmyz muňa aýdyň mysaldyr,
Ösüşlere guwanyp ýürekleri joşýandyr,
Gahryman Arkadaga, Arkadagly Serdara
Alkyşlary joşgunly ýaşlary bar ilimiň!
Jemal SAPAROWA,
Türkmenistanyň Magtymguly adyndaky
Ýaşlar guramasynyň Merkezi Geňeşiniň
Medeniýet bölüminiň esasy hünärmeni.
