Döwlet Baştutanymyzyň belleýşi ýaly, örän baý medeni-taryhy ýadygärliklere eýe bolan bu toprakda geçmişde dünýä ýaň salan beýik işler bitirilipdir, şäherler döredilip, binalar gurlupdyr.
ÝUNESKO-nyň «Bütindünýä medeni we tebigy mirasyny goramak baradaky» Konwensiýasynyň çäklerinde häzirki wagtda Türkmenistanyň çäginde taryhy we medeniýet ähmiýetli 1000-den gowrak ýadygärlikler ýüze çykaryldy we hasaba alyndy. Olardan «Nusaýyň Parfiýa galalary» döwlet medeni-taryhy ýadygärligi hataryna 2007-nji ýylda hasaba alyndy. Beýik Ýüpek ýolunyň esasy ugrunda ýerleşen Dehistan, Nusaý, Merw, Sarahs, Amul, Köneürgenç ýaly türkmen şäherleriniň ýadygärlikleriniň taryhy barada baý maglumatlary körpeje diňleýjilere: Türkmenistanyň medeni ýadygärliklerini goramak, öwrenmek hem-de rejelemek baradaky milli müdirliginiň Nusaý taryhy medeni Döwlet goraghanasynyň bölüm müdiri Ogultäç Saçlyýewa gürrüň berdi.
