Hatyra güni mynasybetli ýatlama çäreleri Ahal welaýatymyzda hem ir säherden giň gerim aldy. Şeýle çäreleriň biri-de Ahal welaýat häkimliginiň, welaýatyň iri jemgyýetçilik guramalarynyň bilelikde guramaklarynda Gökdepe etrabynyň Yzgant şäherçesindäki Berdimuhamet Annaýew adyndaky 27-nji orta mekdebinde geçirildi. Watançy esger, ilhalar ynsan, ussat mugallym Berdimuhamet Annaýewiň ýadygärligine gül goýmak çäresine welaýatymyzyň ýaşuly nesliniň wekilleri bilen bir hatarda ýaşlar hem guramaçylykly gatnaşdylar.
