Ýakynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň guramagynda Döwletmämmet Azady adyndaky Arkadag şäher kitaphanasynda geçirilen «tegelek stoluň» başyndaky söhbetdeşlik hormatly Prezidentimiziň Amerikanyň Birleşen Ştatlaryna amala aşyran iş saparynyň taryhy ähmiýetine bagyşlandy.
Söhbetdeşlige gatnaşanlar Arkadagly Gahryman Serdarymyzyň Amerikanyň Birleşen Ştatlarynyň paýtagty Waşington şäherine amala aşyran iş saparynyň halkara gatnaşyklarynda möhüm waka öwrülendigini belläp, bu saparyň barşynda hormatly Prezidentimiziň «Merkezi Aziýa — Amerikanyň Birleşen Ştatlary» formatyndaky sammite gatnaşandygy, ABŞ-nyň Prezidenti Donald Tramp bilen duşuşandygy bilen bagly söhbetlere aýratyn ünsi çekdiler. Çykyş edenler şol taryhy günlerde ýaýbaňlandyrylan işewürlik forumynyň möhüm ähmiýete eýe bolandygyny hem aýratyn bellediler.
Söhbetdeşlige gatnaşanlar berkarar Watanymyzyň halkara abraýyny belende göterýän, dünýäniň dürli döwletleri özara bähbitli gatnaşyklary pugtalandyrýan hormatly Prezidentimiziň hem-de Gahryman Arkadagymyzyň adyna alkyş sözlerini aýtdylar.
Annamuhammet GULOW,
Türkmenistanyň Magtymguly adyndaky Ýaşlar guramasynyň
Ahal welaýat Geňeşiniň Guramaçylyk bölüminiň müdiri.
