2022-nji ýylyň 11-nji noýabrynda Türkmenistanyň Magtymguly adyndaky Ýaşlar guramasynyň Lebap welaýatynyň Kerki, Döwletli, Köýtendag etrap Geňeşleriniň gurnamagynda Türkmenistanyň Magtymguly adyndaky Ýaşlar guramasynyň döredilen gününiň 31 ýyllygy mynasybetli Kerki etrap medeniýet merkezinde “Ýurdumyz berkarar, ýolumyz ýagty, ýaşlar Watanymyzyň buýsanjy, bagty” atly aýdym-sazly duşuşyk geçirildi. Duşuşyga Türkmenistanyň Magtymguly adyndaky Ýaşlar guramasynyň Lebap welaýatynyň Kerki, Döwletli, Köýtendag etrap Geňeşleriniň işgärleri, ilkinji ýaşlar guramalary, Kerki etrap häkimliginiň hünär-tehniki okuw mekdebiniň talyplary gatnaşdylar. Şatlyk-şowhuna beslenen duşuşygyň dowamynda Kerki etrap medeniýet merkeziniň sungat ussatlarynyň aýdym-sazly çykyşlary ýerine ýetirildi.
Arzuw RAHMANOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Kerki etrap Geňeşiniň başlygy.
