Lebap welaýatynyň Köýtendag etrap häkimligi, TMÝG-niň Köýtendag etrap Geňeşi, etrap bilim bölümi, medeniýet bölümi, etrapda ýerleşýän edara-guramalary bilen bilelikde gurnamagynda etrabyň “Doganlar” toý mekanynda Täze ýyl baýramçylygy mynasybetli Döwletli çagalara täze ýyl sowgatlary hem-de Hormat hatlary gowşuryldy.
Medeniýet bölümi özleriniň aýdymlary, tanslary bilen çagalaryň göwnüni göterdi, Aýazbabadyr Garpamygyň gelmegi bolsa çagalaryň şatlygyna şatlyk goşdy.
Aýdym-sazly geçirilen çäräniň dowamynda Berkarar döwletiň täze eýýamynyň Galkynyşy döwründe döwletimizi bagtyýarlygyň, abadançylygyň we sagdynlygyň mekanyna öwüren hormatly Prezidentimiziň janynyň sag, belent başynyň aman bolmagyny arzuw etdiler.
Gülşirin MAMEDOWA,
TMÝG-niň Köýtendag etrap
Geňeşiniň esasy hünärmeni.
