Berkarar döwletiň täze eýýamynyň Galkynyşy döwründe 2023-nji ýyly “Arkadag Serdarly bagtyýar ýaşlar ýyly” diýilip yglan edilmegi biz ýaşlary begendirdi, buýsandyrdy. Bu bolsa biz ýaşlara bildirilýän ynamyň has ýokarydygynyň aýdyň subutnamasy bolup durýar. Hormatly Prezidentimiziň biz ýaşlara bildirýän ynamyna jogap edip Türkmenistanyň Magtymguly adyndaky Ýaşlar guramasynyň wekilleri Arkadagly Serdarymyzyň alyp barýan il-ýurt bähbitli beýik işlerini halk köpçüliginiň, hususan-da, ýaşlaryň arasynda wagyz etmäge aýratyn ähmiýet berýär. Şol maksat bilen TMÝG-niň Balkan welaýat Geňeşi, welaýat hukuk goraýjy edaralary, welaýat jemgyýetçilik guramalary bilen bilelikde Türkmennebit" DK-niň Nebitçilik orta hünär okuw mekdebinde bilim alýan talyp gyz-gelinleriň arasynda ,,Ýaşlar ýurdyň Beýik geljegi’’ ady bilen wagyz-nesihat çäresini geçirdi. Çärede çykyş edenler hormatly Prezidentimiz tarapyndan ýaşlar barada edilýän ummasyz aladalar barada, Türkmenistanda Ýaşlar baradaky döwlet syýasatynyň 2021-2025-nji ýyllar üçin döwlet maksatnamasynda göz öňünde tutulan meýilnamalar barada ýaşlaryň durmuş goraglylygy, okuwçylara we talyp ýaşlara bilim terbiýe bermek, ýaş maşgalalara durmuş goldawyny bermek ýaly birnäçe mysallary getirip, ýaşlarymyzyň ata-watanymyz üçin geljekde ähli taraplaýyn gerekli, göreldeli adamlar bolup ýetişmeklerini ündediler. Çärede çykyş edenleriň her biri biziň şeýle eşretli, parahat durmuşymyzyň we asuda ýaşaýşymyzyň sakasynda duran Türkmenistanyň Milli Lideri Gahryman Arkadygymyza, Arkadagly Serdarymyza janlarynyň sag, ömürleriniň uzak, il-ýurt bähbitli alyp barýan işleriniň rowaç bolmagyny arzuw etdiler.
Gözel SAPARMÄMMEDOWA,
TMÝG-niň Balkan welaýat Geňeşiniň
Guramaçylyk bölüminiň müdiri.
