Bu gepleşigiň redaktory Çemen Paşşyýewanyň şu günki güne çenli alyp barýan işleri barada gürrüňdeşlik açasym gelýär. 2021-nji ýylda ýurdumyzda ÝUNESKO-nyň işleri boýunça Türkmenistanyň Milli topary döredildi. Şol döredilen gününden başlap Türkmenistanyň Milli toparynyň Sekretariaty bilen bilelikde “Türkmenistan Ýunesko Diýardan ýollar” atly gepleşigini taýýarlap başlady. Şol ýylyň 12-nji fewralynda gepleşik ýaýlyma berildi. Iň ilkinji ýaýlyma berilen gepleşikde türkmen keçe sungaty barada gürrüň edildi. Şol sungata bagyşlap hem ÝUNESKO-nyň işleri boýunça milli toparyň jogapkär sekretary, halypa ilçimiz Çynar Rüstemowa çykyş etdi hemem halkymyza ÝUNESKO-nyň alyp barýan işleri boýunça türkmeniň milli mirasyny, sungatyny, däp-dessuryny ÝUNESKO-nyň adamzadyň maddy däl medeni mirasynyň sanawyna goşmaklyk barada we gadymy ýadygärliklerimizi bütindünýä mirasyň sanawyna goşmaklyk barada çykyş etdi. Şu günki güne çenli gepleşigi alyp barýan Çemen Paşşyýewa ; --gepleşigiň maksady halkymyzyň baý medeni mirasyny dünýä ýaýmak, habar beriş ulgamlaryň üsti bilen ýaýlyma bermek - diýip söhbetdeşligimizde belläp geçdi. Mundan daşary Miras radio ýaýlymyň saýlanyp alynmagynyň hem gadymy milli däp-dessurlarymyzyň miras teleradioýaýlymynda gidýänligi sebäpli şol sungatymyzy, mirasymyzy açyp görkezmek we dünýä ýaýmak barada meseler hem şol söhbetdeşlikde gürrüň edildi. ÝUNESKO-nyň işleri boýunça Türkmenistanyň milli toparynyň sekretariatynyň ýörite düzen meýilnamasynyň esasynda Gahryman Arkadagymyzyň tassyklamagynda 2021-nji ýylda birnäçe hödürnamalar taýýarlanyldy we şol hödürnamalar şu güne çenli ýörite ýaýlymyň üsti bilen ildeşlerimize ýetirilýär. Gahryman Arkadagymyzyň we Arkadagly Serdarymyzyň saýasynda ýaşlaryň sesini radio ulgamy boýunçada halkymyza ýetirmekde we şonuň ýalyda Ýunesko bilen ýurdumyzyň hyzmatdaşlygyny wagyz etmekde uly mümkinçilikleri döredip berýän Gahryman Arkadagymyza, Arkadagly Serdarymyza tüýs ýürekden sagbolsunymyzy aýdýarys. Gahryman Arkadagymyzyň we Arkadagly Serdarymyzyň janlary sag bolsun, ömürleri uzak bolsun, il bähbitli ýurt ähmiýetli tutýan tutumly işleri rowaçlyklara beslensin!
Oguljeren ARAZOWA,
Döwletmämmet Azady adyndaky
Türkmen milli dünýä dilleri institutynyň
Iňlis dili we edebiýaty fakultetiniň III ýyl talyby,
“Parahatçylyk dilleri” atly ÝUNESKO Klubynyň işjeň agzasy.
