Ýakynda Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşiniň Türkmenistanyň Demokratik partiýasynyň Köýtendag etrap komiteti bilen bilelikde guramagynda Köýtendag etrabynyň 3-nji orta mekdebiniň ýokary synp okuwçylarynyň arasynda “Berkarar döwletde bagtyýar ýaşlar” ady bilen wagyz-nesihat duşuşygy geçirildi. Duşuşykda Türkmenistanyň Demokratik partiýasynyň Köýtendag etrap komitetiniň partiýa guramaçysy Muhammet Baýkuwatow, Türkmenistanyň Demokratik partiýasynyň Köýtendag etrap komitetiniň statisti Zülpizer Baýpolatowa, Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşiniň guramaçylyk bölüminiň esasy hünärmeni Tursuntaş Irgaşowa, şol mekdebiň müdiri Zakir Dosbaýew dagy çykyş etdiler. Duşuşykda çykyş edenler ata-babalarymyzyň nusgalyk häsiýetleriniň we asylly ýol-ýörelgeleriniň ýaş nesle görüm-görelde bolmalydygy, ýaşlaryň zyýanly endiklerden daşda durup, sagdyn durmuş ýörelgelerine eýermelidigi barada giňişleýin düşündirdiler.
