Ýakynda Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşi Gahryman Arkadagymyzyň bagtyýar türkmen ýaşlaryna “Ýaşlara gutlag” atly täze eserini sowgat etmegi mynasybetli Kerki etrabynyň 25-nji orta mekdebinde okaýan ýokary synp okuwçylaryň gatnaşmagynda “Gahryman Arkadagymyzyň “Ýaşlara gutlag” aýdymy – bagtyýar ýaşlaryň ýürekleriniň senasy” atly hoşallyk duşuşygyny geçirdi. Duşuşykda Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşiniň guramaçylyk bölüminiň esasy hünärmeni E.Ýoldaşowa, Kerki etrabynyň 25-nji orta mekdebiniň guramaçysy D.Allaýew, şol mekdebiň mugallymy Ý.Jumaýewa dagylar çykyş etdiler. Duşuşygyň dowamynda çykyş edenler Gahryman Arkadagymyzyň her bir ata-enäniň ýürek duýgusyny, perzentlerine edýän arzuw-niýetlerini özünde jemleýän täze aýdymynyň ýurdumyzyň ýaşlaryny mundan beýläk-de belent maksatlara ruhlandyrýandygyny bellediler. Duşuşygyň soňunda oňa gatnaşyjylar Gahryman Arkadagymyza “Ýaşlara gutlag” atly aýdymyny bagtyýar ýaşlara sowgat edenligi üçin, ýaşlara geljegi gurujylar hökmünde ýokary baha berýän Arkadagly Serdarymyza çäksiz alkyşlaryny beýan etdiler.
Arzuw RAHMANOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Kerki etrap Geňeşiniň başlygy.
