“Ylymda şeýle ýokary derejä neneňsi ýetdiň?” diýip, bir ýola arap akyldaryndan sorapdyrlar. Şonda ol şeýle jogap beripdir: “Men bilmeýän zadymy soramakdan utanmadym”.
***
Taryh ylmy boýunça dünýä belli alymlaryň biri Mahmyt Kemala ýüzlenip:
- Sizdäki bilimiň ondan birine hem eýe bolmadyk ynsanlar size garanyňda has uly derejä ýetdiler. Munuň sebäbi nämekä?-diýip sorapdyrlar.
- Men bilmek üçin öwrendim, olar tanalmak üçin.
***
Bir akyldar şeýle diýipdir: “Ylym gulpdur, sorag onuň açarydyr”.
***
Platondan:
- Sen bu ylymlaryň hemmesini edinmäge nädip güýç tapdyň?-diýip sorapdyrlar. Onda ol:
- Zeýtun ýagyny çyrada bütin ömrümde içen suwumdan hem köp ýakdym-diýipdir.
Toplan Wepa ESENOW,
TMÝG-niň Daşoguz welaýat
Geňeşiniň hünärmeni.
