Berkarar döwletiň täze eýýamynyň Galkynyşy döwründe Türkmenistan Watanymyzyň medeniýeti we sungaty dünýä derejelerinde ösüp, kämil derejelere ýetmegini dowam edýär. Ýurdumyzda milli medeniýetimizi, sungatymyzy dünýä ýaýmakda uly işler alnyp barylýar. “Arkadag Serdarly bagtyýar ýaşlar” ýylynda Gündogaryň beýik akyldary, nusgawy şahyrymyz Magtymguly Pyragynyň 300 ýyllygy mynasybetli görülýän taýýarlyklar, ylmy-amaly maslahatlar, baýramçylyk çäreleri ýokary ruhubelentlikde alnyp barylýar. Ýurdumyzda geçirilýän sergiler, ylmy-amaly maslahatlar diňe bir ýurdumyzyň çäginde geçirilmän eýsem, dünýä döwletlerinde hem Magtymguly Pyragynyň waspy, goşgularynyň ähmiýeti, watansöýüjilik duýgulary ýokary derejelerde alnyp barylýar. 2023-nji ýylyň 29-31-nji marty aralygynda Koreýa Respublikasynyň Seul we Yýjoň-bu şäherlerinde geçirilýän Türkmenistanyň Medeniýet günleriniň çäginde Magtymguly Pyragynyň 300 ýyllygyna bagyşlanan halkara ylmy-amaly maslahaty geçirildi. Şeýle-de Koreýanyň Hankuk uniwersitetiniň binasynda türkmeniň milli amaly-haşam we şekillendiriş sungatynyň sergisi we sungat ussatlarynyň konserti hem-de türkmen filmleri görkezildi. 2023-nji ýylyň 31-nji martynda bolsa türkmen-koreý medeniýet we sungat ussatlarynyň bilelikdäki konserti has dabaraly ýagdaýda geçirildi. Türkmen sungat ussatlarymyz koreý medeniýeti bilen giňden tanyşyp döredijilik duşuşyklaryny geçirdiler we ikitaraplaýyn pikir alyşdylar. Döredijilik saparynda Türkmenistanyň Döwlet çeperçilik akademiýasynyň zehinli talyplarynyň döredijilik işleri sergilendi, hem-de ýokary okuw mekdebimiziň adyndan “Jemgyýeti öwreniş ylymlary” kafedrasynyň müdiri Azat Alihanow işjeň gatnaşdy.
Türkmen medeniýetini, sungatyny dünýä ýaýmakda, şol sanda hem dünýä döwletleriniň medeniýetini, sungatyny bize öwrenmäge döredip berýän mümkinçilikleri üçin türkmen halkynyň Milli Lideri Gahryman Arkadagymyza Arkadagly Serdarymyza talyp ýüregimden köp sagbolsun aýdýaryn!
Gülşat ANNASEÝIDOWA,
Türkmenistanyň Döwlet çeperçilik akademiýasynyň
“Sungaty öwreniş” kafedrasynyň talyby.
