Tejen etrap häkimliginiň, Türkmenistanyň Magtymguly adyndaky Ýaşlar guramasynyň Tejen etrap Geňeşiniň, iri jemgyýetçilik guramalarynyň guramagynda Tejen etrabynyň 40-41-42-nji orta mekdeplerinde bilim alýan ýokary synp okuwçylarynyň arasynda ýaşlary ylymly bilimli, sagdyn, edep-terbiýeli, giň dünýägaraýyşly, watançy, zähmetsöýer, akylly-başly edip ýetişdirmek, türkmen jemgyýetinde hereket edýän kanunçylyk düzgün bozulmalaryň öňüni almak maksady bilen wagyz-nesihat duşuşygy geçirildi. Duşuşygyň barşynda iri jemgyýetçilik guramalarynyň, hukuk goraýjy edaralaryň wekilleri çykyş edip, ýurdymyzyň kanunçylyk-hukuk binýadynyň pugtalanýandygy barada aýdyp, türkmen jemgyýetinde hereket edýän kanunçylyk düzgün bozulmalaryň öňüni almakda, raýatlara hukuklaryny we borçlaryny düşündirmekde wagyz-nesihat işleriniň ähmiýeti barada giňişleýin belläp, ýaşlaryň arasynda geçirilýän terbiýeçilik häsiýetli wagyz-nesihat işleriniň netijeliligini gazanmak möhümdigini bellediler. Duşuşygyň ahyrynda bolsa, Garaşsyzlygyň berk binýadyna deňelýän ylymly, bilimli, ýaş nesliň eşretli zamanamyzda okamagy öwrenmegi, döretmegi, gurmagy üçin giň ýol açyp berýän Gahryman Arkadagymyzyň,Arkadagly Serdarymyzyň janlarynyň sag, ömürleriniň uzak bolmagyny, il-ýurt bähbitli, döwlet ähmiýetli işleriniň üstünliklere beslenmegini arzuw etdiler.
Kakamyrat NURBERDIÝEW,
Türkmenistanyň Magtymguly adyndaky
Ýaşlar guramasynyň Ahal welaýatynyň
Tejen etrap Geňeşiniň baş hünärmeni.
