Kaka etrabynyň Medeniýet bölüminiň teatr studiýasynda Kaka etrap häkimliginiň hem-de etrabyň jemgyýetçilik guramalarynyň bilelikde guramaklarynda döredijilik duşuşygy geçirildi. Duşuşykda etrapdaky teatr studiýasynyň artistleri Hemra Amannyýazow, teatr studiýasynyň artisti Eneş Rejepowa dagy çykyş etdiler. Olar hormatly Prezidentimiziň ýolbaşçylygynda Berkarar döwletiň täze eýýamynyň Galkynyşy döwrüne mynasyp ýaşlary terbiýeläp ýetişdirmekde bitirilýän işler, ýurdumyzyň ösüşleri dogrusynda täsirli gürrüňleri etdiler. Özara söhbetdeşlik hem-de pikir alyşmalar häsiýetinde geçirilen duşuşykda bagşy-sazandalaryň ýerine ýetiren beýik döwrümizi wasp edýän joşgunly aýdymlary dabara özboluşly öwüşgin çaýdy. Gyzykly geçen duşuşykda medeniýet we sungat işgärlerine Türkmenistanyň Magtymguly adyndaky Ýaşlar guramasynyň Kaka etrap Geňeşi hem-de jemgyýetçilik guramalary tarapyndan ýörite sowgatlar dabaraly ýagdaýda gowşuryldy.
Azat HALMYRADOW,
Türkmenistanyň Magtymguly adyndaky Ýaşlar
guramasynyň Ahal welaýatynyň Kaka etrap Geňeşiniň
guramaçylyk bölüminiň esasy hünärmeni.
