Arkadag şäheriniň adybir futbol topary düýn 10-njy resmi duşuşygyny geçirdi. Türkmenistanyň çempionatynyň 13-nji tapgyrynyň çäginde topar Türkmenbaşy şäherinde ýerli «Şagadamyň» myhmany boldy.
Duşuşyk myhman toparyň 1:0 hasabyndaky ýeňşi bilen tamamlandy. Ýeke-täk pökgini goşmaça wagtyň 5-nji minudynda 11 metrlik jerime urgusyndan hüjümçi Didar Durdyýew geçirdi. Şeýlelikde, möwsümiň iň netijeli futbolçysy gollarynyň sanyny 13-e çykardy.
Bu duşuşykdan soňra utugyny 30-a çykaran «Arkadag» Ýokary liganyň şu möwsüminde bu sepgide çykan ilkinji topar boldy. 7 utukly «Şagadam» bolsa ýedinji orundan sekizinji orna çenli düşdi.
«Arkadag» topary 14-nji tapgyrda 20-nji awgust güni «Aşgabady» kabul eder. «Şagadam» bolsa 19-njy awgustda ýene bir güýçli garşydaşyň ― «Ahalyň» myhmany bolar.
«Şagadam» ― «Arkadag» ― 0:1.
Gol: Didar Durdyýew, 90+5 (11 m.j.u.).