Sen gidensoň
Boşap galdy bu dünýäm.
Ýeller aýralygyň mukamyn çaldy.
“Gitme” diýip, ýalynyplar ses edip,
Baglaram gol bulap, yzyňda galdy.
Sen gidensoň,
Wagt durdy ýöremän.
Indi gaýdyp duşjagymyz näguman
Ne-hä öňe ätdim, ne-de bir yza,
A sen bolsa, ýöräp barýaň säginmän.
Sen gidensoň
Doňup galdym gürlemän.
Ýalan söýgi bu gün ýürek daglady.
Haýpy gelip, meniň düşen halyma,
Diňe men däl, mawy giňlik aglady.
Sen gidensoň
Ýyllar geçdi aradan
Indi ýylgyrýanam käteler gülüp.
“Barym, bagtym” diýen elýetmez söýgim,
Ýatlama öwrüldiň, geçmişde galyp.
Gunça ORAZOWA,
Daşoguz welaýatynyň Köneürgenç etrabynyň
1-nji sport mekdebiniň tälimçi-mugallymy,
Türkmenistanyň Magtymguly adyndaky
Ýaşlar guramasynyň işjeň agzasy.
