Täze okuw ýylynyň başlanmagy mynasybetli etrabymyzyň mekdep okuwçylarynyň arasynda Türkmenistanyň Magtymguly adyndaky Ýaşlar guramasynyň Ahal welaýatynyň Gökdepe etrap Geňeşiniň guramagynda etrabyň 21-nji orta mekdebinde «Gahryman Arkadagymyzyň taglymaty, Arkadagly Serdarymyzyň ynamy bilen öňe barýar türkmen ýaşlary» atly şygar bilen wagyz-nesihat çäresi geçirildi. Wagyz-nesihat duşuşygyna etrabyň mugallymlary gatnaşyp, olar öz çykyşlarynda Gahryman Arkadagymyzyň Bilimler we talyp ýaşlar güni mynasybetli Arkadag şäheriniň Ruhyýet köşgünde geçiren umumy okuw sapagyndan gelip çykýan wezipeler dogrusynda giňişleýin gürrüň berdiler.
Duşuşygyň dowamynda mekdep okuwçylary hem ýürek buýsançlaryny beýan edip, Gahryman Arkadagymyzyň, Arkadagly Serdarymyzyň janlarynyň sag, belent başlarynyň aman bolmagyny, tutýan tutumly işleriniň rowaç almagyny arzuw etdiler.
Guwanç ALLABERDIÝEW,
TMÝG-niň Ahal welaýatynyň Gökdepe etrap
Geňeşiniň Guramaçylyk bölüminiň sanly ulgam
boýunça esasy hünärmeni.
