Türkmenistanyň Magtymguly adyndaky Ýaşlar guramasynyň Kaka etrap Geňeşiniň we Kaka etrap Çeperçilik mekdebiniň bilelikde gurnamagynda «Bagtymyzyň gözbaşy» atly şygar astynda surat çekmek boýunça bäsleşik geçirildi. Etrabyň çagalar çeperçilik mekdebinde geçirilen bäsleşige şol mekdepde bilim alýan okuwçy ýaşlar öz eserleri bilen gatnaşdylar. Bäsleşigiň şertlerine laýyklykda ýaş suratkeşler hormatly Prezidentimiziň parasatly ýolbaşçylygynda Berkarar döwletiň täze eýýamynyň Galkynyşy döwründe gazanylýan dünýä derejesindäki öňegidişlikleri, günsaýyn özgerýän eziz Diýarymyzyň gözel görküni, ýaşlaryň bagtyýar durmuşyny, milli mirasymyzy, gelin-gyzlaryň el hünärlerini, milli baýramçylyklarymyzy, il agzybirligini, ýurt berkararlygyny, milli gymmatlyklarymyzy medeni-çeper keşpde suratlandyrdylar. Ýaşlaryň bäsleşige hödürlän işlerinde Arkadagly Serdarymyzyň ýolbaşçylygynda sagdyn durmuş ýörelgeleriniň ýurdumyzda üstünlikli durmuşa ornaşdyrylyşy hem öz beýanyny tapdy. Bäsleşigiň ýeňijilerine Türkmenistanyň Magtymguly adyndaky Ýaşlar guramasynyň Kaka etrap Geňeşi tarapyndan hormat hatlary gowşuryldy.
Begli MÄMMEDOW,
TMÝG-niň Ahal welaýatynyň
Kaka etrap Geňeşiniň Guramaçylyk
bölüminiň müdiri.
