Şu gün Arkadag şäheriniň Köpugurly sport toplumynda ýurdumyzyň mukaddes Garaşsyzlygynyň 32 ýyllygy mynasybetli «Garaşsyzlyk – buýsanjymyz-bagtymyz» atly sportuň woleýbol görnüşi boýunça Arkadag şäheriniň birinjiligini almak ugrunda ýaryş geçirildi. Arkadag şäheriniň edara-kärhanalarynyň zähmetkeşleriniň arasynda geçirilen bu ýaryş turuwbaşdan ruhubelentlige we joşgunly pursatlara baý boldy.
Arkadag şäheriniň Bedenterbiýe we sport müdirliginiň, Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň, şeýle-de Türkmenistanyň Kärdeşler arkalaşyklarynyň Arkadag şäheriniň birleşmesiniň bilelikde tassyklan düzgünnamasy esasynda bu ýaryş Halkara woleýbol federasiýasynyň tassyklan düzgünleri boýunça geçirildi.
Ýaryşyň netijeleri boýunça I orna Arkadag şäheriniň Köpugurly sport toplumynyň, II orna Maliýe toplumynyň we baýrakly III orna Bilim müdirliginiň ýaşlaryndan ybarat toparlary mynasyp bolmagy başardylar.
Ýaryşda ýeňiş gazanan toparlara ony gurnaýjylar tarapyndan hormat hatlary we ýadygärlik sowgatlary dabaraly gowşuryldy.
Umyda KAKAÝEWA,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň bölüm müdiri.
