Türkmenistanyň Magtymguly adyndaky Ýaşlar guramasynyň Ahal welaýatynyň Tejen etrap Geňeşiniň gurnamagynda Tejen etrabynyň Medeniýet öýünde Türkmenistanyň Ylymlar akademiýasynyň akademigi, lukmançylyk ylymlarynyň doktory, professor Gahryman Arkadagymyzyň «Türkmenistanyň dermanlyk ösümlikleri» atly düýpli ylmy işiniň 15-nji jildiniň çapdan çykmagy mynasybetli «tegelek stoluň» başynda söhbetdeşlik geçirildi. Çykyşlarda Türkmenistanyň saglygy goraýyş we derman senagaty işgärleriniň hünär baýramynyň öňüsyrasynda bu ajaýyp eseriň uly sowgat bolup, türkmen topragynda bitýän dermanlyk ösümlikler we milli fitoterapiýa baradaky bu özboluşly ylmy-ensiklopedik iş dünýäniň köp dillerinde neşir edilip, ýurdymyzda lukmançylygyň dürli ugurlary boýunça hünärmenleriň gollanmasyna öwrülendigini belläp, bu kitapdaky ýerli dermanlyk otlaryň görnüşleri barada giňişleýin söhbet etdiler. Söhbetdeşligiň ahyrynda bolsa, Gahryman Arkadagymyzyň galamynyň ýiti bolmagyny arzuw edip, Gahryman Arkadagymyzyň, Arkadagly Gahryman Serdarymyzyň adyna alkyş sözlerini aýtdylar.
Röwşen HOJAGELDIÝEW,
TMÝG-niň Ahal welaýatynyň
Tejen etrap Geňeşiniň bölüm müdiri.
