Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistan döwletimiz ösüşleriň täze belentliklerine we üstünliklerine tarap ynamly öňe barýar. Sazlaşykly ösýän ýurdumyzda ähli ugurlar boýunça amala aşyrylýan içeri we daşary döwlet syýasaty zähmetkeş halkymyzyň bagtyýar we abadan durmuşda ýaşamagyna, ýaş nesillerimiziň röwşen geljegine gönükdirilendir. Hormatly Prezidentimiz Arkadagly Gahryman Serdarymyzyň parasatly baştutanlygynda Garaşsyz, hemişelik Bitarap Türkmenistan Watanymyzyň at-abraýy uly depginler bilen belende galýar. Ýurdumyzda gazanylýan üstünlikleriň, ýetilýän belent sepgitleriň ählisi halkymyzyň ajaýyp durmuşda bagtyýar ýaşamagyna gönükdirilendir. Şeýle alnyp barylýan tutumly işleriň çäklerinde ýurdumyzda ýaşlar barada alada hem öz mynasyp ornuny tapýar. Ýurt Baştutanymyz ýaşlar baradaky aladany elmydama aýratyn üns merkezinde saklaýar. Türkmen halkynyň Milli Lideri Gahryman Arkadagymyz, Arkadagly Gahryman Serdarymyz tarapyndan ýaşlarymyz baradaky edilýän taýsyz alada biz ýaşlaryň bagtyýar ýaşaýşymyzyň, owadan durmuşumyzyň we aýdyň geljegimiziň kepilidir. Bu günki günde hormatly Prezidentimiziň bagtyýar ýaşlar üçin döredýän bimöçber tagallalary, uly mümkinçilikleri ýaşlarymyzyň dünýä derejesinde kämil sowatly bolmaklary, olaryň öz saýlap alan hünärleriniň hakyky ussatlary bolup ýetişmeklerine uly ýardam berýär. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Watanymyzyň röwşen geljeginiň ýaşlarymyzyň elindedigini ençeme gezek nygtap, ýaşlar syýasatyny ýurdumyzyň ösüşiniň örän möhüm ileri tutulýan ugurlarynyň biri hökmünde kesgitleýär. Häzirki wagtda Türkmenistanyň Magtymguly adyndaky Ýaşlar guramasy tejribe alyşmak, ýurdumyzyň ýaşlarynyň ukyp-başarnyklaryny hem-de zehinini ýüze çykarmak, olaryň durmuş goraglylygyny üpjün etmek, işewürlik hem-de döredijilik başlangyçlaryny höweslendirmek maksady bilen, işjeň halkara hyzmatdaşlygyny alyp barýar. Döwletimiz tarapyndan döredilýän amatly şertler netijesinde, ýaş ýigitlerdir gyzlar daşary ýurtlaryň meşhur okuw merkezlerinde ýokary bilim alýarlar, halkara aň-paýhas, döredijilik we sport ýaryşlarynda üstünlikli çykyş edýärler, şeýle hem ýurdumyzyň jemgyýetçilik medeni durmuşyna işjeň gatnaşýarlar. Alnyp barylýan işleriň hukuk esasyny pugtalandyrmak, ýaşlaryň köpugurly mümkinçiliklerini has doly peýdalanmak maksady bilen, “Ýaşlar barada döwlet syýasaty hakynda” Kanun işlenip taýýarlanyldy hem-de rejelenen görnüşde kabul edildi. Şeýle hem, Türkmenistanda ýaşlar baradaky döwlet syýasatynyň 2021-2025-nji ýyllar üçin döwlet Maksatnamasy we olary durmuşa geçirmek boýunça çäreleriň meýilnamasy tassyklanyldy. Gahryman Arkadagymyzyň başlangyjy bilen işlenip taýýarlanylan we jemgyýetimizde giňden ara alnyp maslahatlaşylyp kabul edilen “Ýaşlar barada döwlet syýasaty hakynda” Türkmenistanynyň Kanuny ýurdumyzda alnyp barylýan ýaşlar syýasatynyň hukuk binýadyny pugtalandyrmaga hem-de ýaşlar üçin döredilýän mümkinçilikleri giňeltmäge ýardam edýär. Her ýyly döwrebap atlandyrmak baradaky asylly däbe eýerip, 2023-nji ýyly “Arkadag Serdarly bagtyýar ýaşlar ýyly” diýlip yglan edildi. Bu bolsa ýaşlaryň başlangyçlaryny, döredijilik gözleglerini, jemgyýetçilik işjeňligini artdyrmakda we höweslendirmekde uly ähmiýete eýedir. Häzirki wagtda Gahryman Arkadagymyzyň başyny başlan ýaşlar baradaky parasatly syýasaty hormatly Prezidentimiz Arkadagly Gahryman Serdarymyz tarapyndan üstünlikli durmuşa geçirilýär. Şonuň netijesinde Watanymyzyň geljegi bolan ýaşlar ýurdumyzda giň gerimli özgertmeleri amala aşyrmaga işjeň gatnaşýarlar.
Bu günler Berkarar döwletiň Täze eýýamynyň Galkynyşy döwrüniň bagtyýar ýaşlarynyň ýüregi türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza bolan alkyşly sözlerden püre-pürdür.
Biz — bagtyýar ýaşlar şu ajaýyp, eşretli zamanada ýaşaýandygymyza buýsanýarys. Eziz Watanymyzyň daýanjy we buýsanjy bolan ýaşlara uly ynam bildirip, ýagty ertirlere atarýan Gahryman Arkadagymyzyň, hormatly Prezidentimiz Arkadagly Gahryman Serdarymyzyň ýurdumyzyň jemgyýetçilik guramalary barada edýän uly aladalary üçin, olaryň işini kämilleşdirmekde döredilýän şert we mümkinçilikler üçin köp sagbolsun aýdýarys. Türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, il bähbitli, ýurt ähmiýetli alyp barýan tutumly işleriniň barha rowaçlyklara beslenmegini arzuw edýäris.
Amangözel EŞEROWA,
TMÝG-niň Balkanabat şäher Geňeşiniň
Guramaçylyk bölüminiň esasy hünärmeni.
