Türkmenistanyň Magtymguly adyndaky Ýaşlar guramasynyň Merkezi Geňeşiniň guramagynda geçirilýän Merkezi Aziýa ýurtlarynyň we Hytaý Halk Respublikasynyň ýaşlarynyň «Beýik Ýüpek ýolunyň täze eýýamy» atly forumyna gatnaşmaga gelen Gazagystan, Gyrgyzystan Respublikalarynyň we Hytaý Halk Respublikasynyň ýaşlary Arkadag Serdarly bagtyýar ýaşlar ýylynyň 15-nji noýabrynda Türkmen Milli haly muzeýine bardylar. Içinde 2000-e golaý haly eksponatlary we Ginnesiň rekordlar kitabyna girizilen, dünýädäki iň äpet halyny özünde jemleýän, bütin dünýäde haly görnüşiniň köpdürliligi boýunça ýeke-täk muzeý bolan Türkmen halysynyň muzeýi bu ýere gelen myhmanlarda ýakymly täsir galdyrdy.
