2023-nji ýylyň noýabr aýynyň 15-ine agşam Merkezi Aziýa ýurtlarynyň we Hytaý Halk Respublikasynyň ýaşlarynyň “Beýik Ýüpek ýolunyň täze eýýamy” atly forumyna gatnaşýan Özbegistan Respublikasynyň wekilleri “Farap” gözegçilik geçiş nokadyndan Türkmenistana geldiler. Olary Türkmenistanyň Magtymguly adyndaky Ýaşlar guramasynyň Lebap welaýat Geňeşiniň işgärleri mähirli garşyladylar. Myhmanlara türkmen milli naharlary hödür edildi. Myhmanlar Türkmenistanyň Magtymguly adyndaky Ýaşlar guramasynyň jogapkär işgärleri bilen bilelikde Mary şäherine tarap ugradylar.
