Arkadag Serdarly bagtyýar ýaşlar ýylynyň 16-njy noýabrynda foruma gatnaşyjylar Mary welaýat kitaphanasynda gurnalan türkmen halkynyň milliligini, taryhy gymmatlyklaryny we ýaşlaryň döreden döwrebap innowasiýalaryny hem-de ýurdumyzdaky ösüşleri suratlandyrýan sergilere syn etdiler.
Soňra Merkezi Aziýa ýurtlarynyň we Hytaý Halk Respublikasynyň ýaşlarynyň «Beýik Ýüpek ýolunyň täze eýýamy» atly forumynyň açylyş dabarasy geçirildi.
Forumyň açylyş dabarasynda hormatly Prezidentimiz Serdar Berdimuhamedowyň oňa gatnaşyjylara iberen Gutlagy okaldy. Ýaşlar forumynyň açylyş dabarasy ýokary guramaçylykly geçirilip, baý many-mazmuna eýe boldy.
