Türkmenistanyň Magtymguly adyndaky Ýaşlar guramasynyň döredilen güni mynasybetli TMÝG-niň Kaka etrap Geňeşiniň guramagynda «Bagtyýar Ýaşlar» diýen şygar astynda wagyz-nesihat duşuşygy geçirildi. Etrapdaky 1-nji başlangyç hünär okuw mekdebinde geçirilen bu wagyz-nesihat duşuşygyna jemgyýetçilik guramalarynyň işjeň agzalary, mekdep mugallymlary we okuwçylar, il sylagly ýaşulylar, kümüş saçly eneler gatnaşdylar. Duşuşykda çykyş edenler Berkarar döwletiň täze eýýamynyň Galkynyşy döwrüniň gysga wagtlyk taryhynda hormatly Prezidentimiziň pähim-paýhasdan göz baş alýan beýik tutumlary netijesinde ýurdumyzyň bütin dünýäde asuda, abadan durmuşy berkarar ediji, arassa ahlaklylygy, sagdyn durmuşy, halklaryň bähbidini araýan sebitde durnuklulygy pugtalandyryjy, ruhy päkligi wagyz-nesihat ediji döwlet hökmünde tanaldygy, ýurdumyzyň ähli künjeklerinde orta mekdepleriň, çagalar baglarynyň yzygiderli gurlup ulanylmaga berilmegi, olaryň dünýäniň ösen tehnologiýalary bilen üpjün edilmegi, döwrebap enjamlar bilen enjamlaşdyrylmagy, dünýäniň ösen siwilizasiýanyň soňky gazananlary bilen aýakdaş gidip bilýän, giň dünýägaraýyşly nesilleriň kemala gelýändikleri dogrusynda buýsançly beýan etdiler. Biz ýaşlara ähli ugurlarda ajaýyp mümkinçilikleri döredip berýän Gahryman Arkadagymyza, Arkadagly Gahryman Serdarymyza köp-köp sagbolsun aýdýarys. Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!
Begli MÄMMEDOW,
TMÝG-niň Ahal welaýatynyň
Kaka etrap Geňeşiniň Guramaçylyk bölüminiň müdiri.
