Ahal welaýatynyň Ak bugdaý etrabynyň Änew şäherindäki Medeniýet öýünde Ahal welaýat häkimliginiň Türkmenistanyň Magtymguly adyndaky Ýaşlar guramasynyň Ahal welaýat Geňeşi bilen bilelikde guramaklarynda Pähim-paýhas ummany Magtymguly Pyragy ýyly mynasybetli «Bagtyýarlyk ylhamy» atly döredijilik duşuşyklarynyň çäklerinde «Magtymguly sözlerim, saza goşsaň uz bolar» atly aýdym-sazly döredijilik duşuşygy geçirildi. Döredijilik duşuşygyna halypalar we ýaş şahyrlar gatnaşdylar. Şeýle-de welaýatyň çäginde ýerleşýän etraplardan gelen ilkinji ýaşlar guramasynyň işjeň agzalary, döredijilik älemine höwesjeň ýaşlar gatnaşdylar. Bu döredijilik duşuşygynda Türkmenistanyň halk ýazyjysy, «Garagum» žurnalynyň bölüm redaktory Annaýew Orazguly, Türkmenistanyň demokratik partiýasynyň Ahal welaýat komitetiniň başlygy, Türkmenistanyň Mejlisiniň deputaty, Işangulyýew Resul, Biznes reklama gazetiniň baş redaktory Geldiýew Seýitmyrat, Gökdepe etrap Medeniýet bölüminiň Medeniýet merkeziniň režisýory Annaýew Nurmuhammet, Ahal welaýat Medeniýet merkeziniň hünärmeni Karaýewa Aýgül, Ahal welaýatynyň Babadaýhan etrabynyň 20-nji orta mekdebiniň müdiri Hojagulyýewa Gyzylgül täsirli çykyşlar etdiler. Täsirli geçen duşuşygyň barşynda, olar öz çykyşlarynda hormatly Prezidentimiziň milli medeniýetimizi täze belentliklere çykarmsaga, okamaga, döretmäge, zähmet çekmäge döredip berýän ajaýyp mümkinçilikleriniň hem-de akyldar şahyrymyz Magtymguly Pyragynyň ömri döredijiligi hakynda şeýle hem, Gahryman Arkadagymyzyň ýola goýan halypa-şägirtlik ýolunyň dowamat dowamdygyny çeper sözüň üsti bilen beýan etdiler. Şeýle-de, duşuşykda halypalar bilen ýaş şahyrlaryň arasynda özara sorag-jogap alyşdylar. Duşuşygyň barşynda Ahal welaýat Medeniýet merkeziniň sungat ussatlarynyň ýerine ýetirmeklerinde türkmen halkynyň akyldar şahyry Magtymguly Pyragyny, ýurdumyzyň ösüşini wasp edýän aýdymlardyr kompazisiýa duşuşyga gatnaşyjylaryň göwünlerini has-da galkyndyrdy. Döredijilik duşuşygynyň ahyrynda ýaşlarymyz üçin ähli mümkinçilikleri, şertleri döredip berýän hormatly Prezidentimize we türkmen halkynyň Milli Lideri Gahryman Arkadagymyza çäksiz alkyşlary beýan etdiler.
Wepa ANNABERDIÝEW,
TMÝG-nyň Ahal welaýat Geňeşiniň bölüm müdiri.
