Köpetdagdan aşak,
Garap otyr Pyragy.
Biline tirme guşak,
Orap otyr Pyragy.
Ýygnanşyp ýaşlaň bary,
Çalyp dutary, tary,
Adamlar saňa sary,
Ýöräp gelýär Pyragy.
Gutlap oň üç ýüz ýaşyn,
Bezedik degre-daşyn,
Barana belent başyn,
Yrap otyr Pyragy.
Ähli aladaňy goý,
Dostum, täze donuňy geý,
Uly şowhun, uly toý,
Gurap otyr Pyragy.
Bu nähili ajap zat,
Geldi ýakyn, geldi ýat,
Arkadaga uzak ýaş,
Diläp otyr Pyragy.
Ata TÄZEBAÝEW.
