TMÝG-niň Ahal welaýat Geňeşiniň, «Türkmenistan» Ýaşlar bedenterbiýe-sport guramasynyň welaýat bölüminiň, welaýatyň bedenterbiýe we sport baradaky Baş müdirliginiň, welaýat Baş bilim müdirliginiň bilelikde guramagynda Sarahs etrabyndaky 27-nji orta mekdepde «Türkmenistan — ruhubelentligiň we sagdynlygyň ýurdy» atly XIII spartakiadanyň çäginde sportuň gandbol görnüşi boýunça ýaryşynyň welaýat tapgyry geçirildi. Gyzykly geçen ýaryşda etraplardan gelen okuwçy oglanlar we okuwçy gyzlar aýratynlykda öz aralarynda çekeleşikli duşuşyklary alyp bardylar. Şol duşuşyklaryň netijesinde oglanlaryň arasynda Sarahs etrabynyň topary birinji, Tejen etrabynyň topary ikinji, Kaka etrabynyň topary üçünji orunlara mynasyp boldular.
Okuwçy gyzlaryň arasynda Sarahs, Tejen, Babadaýhan etraplarynyň toparlary degişlilikde baýrakly birinji, ikinji, üçünji orunlary eýelediler. Gandbol ýaryşynyň ýeňijilerine TMÝG-niň Ahal welaýat Geňeşiniň sowgatlary hem-de «Türkmenistan» Ýaşlar bedenterbiýe-sport guramasynyň welaýat bölüminiň Hormat hatlary dabaraly ýagdaýda gowşuryldy.
Annamuhammet GULOW,
TMÝG-niň Ahal welaýat Geňeşiniň
guramaçylyk bölüminiň müdiri.
