Ýakynda şeýle at bilen Türkmenistanyň Magtymguly adyndaky Ýaşlar guramasynyň Ahal welaýatynyň Babadaýhan etrap Geňeşiniň, etrabyň medeniýet bölüminiň we beýleki jemgyýetçilik guramalarynyň bilelikde guramagynda etrabyň edara-kärhanalarynda zähmet çekýän zenanlaryň, mährem eneleriň gatnaşmagynda etrap merkezindäki Toý mekanynda Halkara zenanlar güni mynasybetli dabara geçirildi.
Dabarada baýramçylyk gutlaglary aýdyldy, zenan mertebesini belentde goýýan Gahryman Arkadagymyzyň, Arkadagly Gahryman Serdarymyzyň adyna tüýs ýürekden çykýan alkyşlar beýan edildi, şeýle-de etrabyň medeniýet bölüminiň aýdym-saz, halk döredijilik toparlarynyň çykyşlaryna giň orun berildi. Şatlyk-şowhuna beslenen sungat çykyşlarynda zenanlarymyzyň, päk söýginiň waspy öz beýanyny tapdy. Dabaranyň ahyrynda halk hojalygynyň dürli pudaklaryna tapawutlanyp zähmet çekýän zenanlara baýramçylyk sowgatlary gowşuryldy.
Leýli BEGENJOWA,
TMÝG-niň Ahal welaýatynyň Babadaýhan etrap Geňeşiniň Guramaçylyk
bölüminiň sanly ulgam boýunça esasy hünärmeni.
