Ýakynda Ak bugdaý etrabynyň ýöriteleşdirilen 45-nji orta mekdebiniň mejlisler jaýynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň hem-de welaýat Baş bilim müdirliginiň bilelikde guramagynda okuwçy gyzlara hormatly Prezidentimiziň Halkara zenanlar güni mynasybetli pul sowgatlarynyň gowşurylyş dabarasy geçirildi. Dabarada edilen çykyşlarda ýurdumyzda ýaşlaryň bilim almagy, hünär öwrenmegi we ähli taraplaýyn sazlaşykly ösmegi ugrunda edilýän aladalar, döredilýän şertler hakda söz açylyp, Halkara zenanlar güni mynasybetli gutlag sözleri aýdyldy.
Okuwçy gyzlara hormatly Prezidentimiziň şanly sene mynasybetli pul sowgatlarynyň dabaraly ýagdaýda gowşurylmagy dabaranyň iň şatlykly pursatyna öwrülip, ýaşlaryň kalbyny heýjana getirdi. Bagtyýar ýaşlar Arkadagly Gahryman Serdarymyza bolan alkyş we hoşallyklaryny labyzly okan goşgularynda, ýürek buýsançly çykyşlarynda beýan etdiler.
Jeýhun SAPARGULYÝEW,
TMÝG-niň Ahal welaýatynyň Ak bugdaý
etrap Geňeşiniň başlygy.
