Berkarar döwletiň täze eýýamynyň Galkynyşy döwründe Gahryman Arkadagymyzyň saýasynda, Arkadagly Gahryman Serdarymyzyň baştutanlygynda biziň her bir günümiz uly ösüşlere, taryhy wakalara beslenýär. «|Pähim-paýhas ummany Magtymguly Pyragy» ýylynda eziz Diýarymyzy gurşap alan ählumumy ruhubelentlik zeminiň zynatyna, gözelligiň hem-de ar-namysyň baýdagyna deňelýän mähriban zenanlarymyzyň ykbalyna-da bagtyýarlygyň nuruny çaýýar. Yhlasy, ukyp-başarnygy, tutanýerli zähmeti bilen Watanymyzyň gülläp ösüşine mynasyp goşant goşýan ýaz göwünli zenanlarymyzyň ýürek sözlerinde belent buýsanç duýulýar. Tebigatyň janlanyp, dünýäniň gözellige beslenýän günlerinde 8-nji mart «Halkara zenanlar güni» mynasybetli Türkmenistanyň Jemgyýetçilik guramalarynyň merkezi binasynda zenanlara bagyşlanyp aýdym-sazly baýramçylyk dabarasy geçirildi. Dabara gatnaşan ähli zenanlara hormatly Prezidentimiziň adyndan pul sowgaty gowşuryldy. Özleri hakynda edilýän aladalary kalby bilen duýup, maşgala mukaddesligini goramakda, asylly ýörelgelerimizi ýaş nesillere öwretmekde, her bir ugurda gazanylýan üstünliklere goşant goşmakda ýokary işjeňlik görkezýän gelin-gyzlarymyzy, mähriban enelerimizi ýetip gelýän Halkara zenanlar güni bilen tüýs ýürekden gutlaýaryn. Bize şeýle ajaýyp mümkinçilikleri döredip berýän Gahryman Arkadagmyza, Arkadagly Gahryman Serdarymyza köp sagbolsun aýdýarys. Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli tutýan tutumly işleri rowana ýollarda rowaçlyklara beslensin!
Bibigözel AÝYMOWA,
TMÝG-niň Aşgabat şäheriniň Bagtyýarlyk etrap
Geňeşiniň Guramaçylyk bölüminiň müdiri.
