Seýil edeliň bu jahana
Jahanda näler görüner
Magtymguly Pyragy (nezire)
Seýil edeliň bu diýara,
Diýarda näler görüner.
Arkadagyň paýhasyndan,
Dörän binalar görüner.
Çar tarapy erem bagly,
Şat erkana ajap çagly,
Ilersinde Köpetdagly,
Çeşmeli çaýlar görüner.
Mirasyna sarpa goýýan,
Milliligni jandan söýýän,
Duz- tagama hormat goýýan,
Merdana iller görüner.
Jana şypaly howasy,
Bilbilgöýäniň owazy,
Müdimidir bahar – ýazy,
Çemenli gollar görüner.
Wepadarlyk ýolun guran,
Agzybir halkyma ýa:ran,
Watan topragyny goran,
Edermen ärler görüner.
Köpetdagymyň gerşinde,
Gudrat jemlenen durşunda,
Geljegi gören düýşünde,
Magtymguly pir görüner.
Çeper NAZARGYLYJOWA,
Döwletmämmet Azady adyndaky TMDDI-niň talyby,
Türkmenistanyň Ýaşlar baýragynyň eýesi.
