Şeýle at bilen Ahal welaýatynyň Babadaýhan etrabynyň 19-njy orta mekdebinde 14-15 ýaşly okuwçy ýaşlaryň arasynda milli mergenlik oýny boýunça geçirilen ýaryş Türkmenistanyň Magtymguly adyndaky Ýaşlar guramasynyň Babadaýhan etrap Geňeşi, etrap bilim bölümi hem-de «Türkmenistan» Ýaşlar bedenterbiýe-sport guramasynyň welaýat bölümi tarapyndan bilelikde guraldy.
Etrabyň umumybilim berýän orta mekdepleriniň okuwçylaryndan düzülen toparlaryň işjeň gatnaşmagynda geçirilen ýaryşyň esasy maksady türkmen milli oýunlarynyň terbiýeçilik ähmiýetini ýaşlaryň arasynda wagyz etmekden, ýaş nesliň sagdyn, ruhubelent adamlar bolup ýetişmegini gazanmakdan ybarat boldy. Ýaryş okuwçy ýaşlara mergenlikde ukyp-başarnygyny görkezmäge giň mümkinçilik döretdi. Gyzykly geçen ýaryşyň netijesinde etrabyň 19-njy orta mekdebiniň topary birinji, 1-nji orta mekdebiniň topary ikinji, 17-nji orta mekdebiniň topary üçünji orunlara mynasyp boldular, Ýeňijilere Hormat hatlary gowşuryldy.
Daňatar ORAZMUHAMMEDOW,
TMÝG-niň Ahal welaýatynyň
Babadaýhan etrap Geňeşiniň işgäri.
