Eziz Diýarymyzda hormatly Prezidentimiziň we Gahryman Arkadagymyzyň taýsyz tagallalary netijesinde ýaşlarymyzyň döwür bilen aýakdaş gitmekleri, sanly ulgamyň we internet torunyň mümkinçiliklerinden ýerlikli peýdalanmaklary ugrunda giň gerimli özgertmeler durmuşa ornaşdyrylýar. Munuň bilen birlikde ýaşlara berilýän bilimiň derejesini ýokarlandyrmakda alnyp barylýan işler olaryň bilimiň çuňluklaryna aralaşmaklaryna, dünýäniň ylmyndan habarly bolmaklaryna giň şertleri açýar. Okatmagyň interaktiw usullary ornaşdyrylan bilim ojaklarynda gün-günden kämilleşýän, öz bilimlerini artdyrýan ýaşlarymyz öz alan bilimlerine daýanyp, halkara derejesinde geçirilýän olimpiýadalarda, bäsleşiklere gatnaşyp, öz ukyplaryny subut edýärler. Olaryň zehin basgançaklarynda gazanýan bu günki üstünlikleri ýurdumyzda ýaşlaryň bagtyýar şu gününi we nurana ertirlerini berkarar etmek ugrundaky edilýän bimöçber aladalardan aýdyň nyşandyr. Bu asylly tagallalar bilen birlikde durmuşymyza giňden ornan internet ulgamyndan ýerlikli peýdalanmagyň ähmiýetini ýaşlaryň arasynda wagyz etmek işleri alnyp barylýar.
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Türkmenistanyň Halk Maslahatynyň Prezidiumynyň mejlisinde «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasy» üstünlikli durmuşa geçirmek boýunça gaýra goýulmasyz wezipeler barada eden taryhy çykyşyny we elektron resminama, «Elektron resminama dolanyşygy we sanly hyzmatlar hakynda», «Aragatnaşyk etmegi hukuk taýdan düzgünleşdirmek hakynda», «Maglumat we ony goramak hakynda», «Kiberhowpsuzlyk hakynda» Türkmenistanyň kanunlarynda göz öňünde tutulan esasy maksatlary we wezipeleri hem-de internet torunyň ösdürilmegi we peýdalanylmagy babatda işi düzgünleşdirýän Türkmenistanyň beýleki kadalaşdyryjy hukuk namalarynyň talaplaryny ýurdumyzyň edara kärhanalarynda zähmet çekýän ýaşlaryň, ýokary we orta hünär okuw mekdeplerinde bilim alýan talyplaryň hem-de umumybilim berýän orta mekdepleriň mugallymlarynyň we ýokary synp mekdep okuwçylarynyň arasynda giňden wagyz etmek maksady bilen şu günler degişli gulluklaryň wekilleri bilen yzygiderli duşuşyklary geçirýäris. Bu ähmiýetli duşuşyklara Türkmenistanyň Magtymguly adyndaky Ýaşlar guramasynyň Lebap welaýatynyň Dänew etrap Geňeşiniň, etrabyň hukuk goraýjy edaralarynyň, Türkmenistanyň Mejlisiniň deputatlarynyň, Türkmenistanyň döwlet Migrasiýa gullugynyň Seýdi şäher bölüminiň, Dänew etrap Elektrik aragatnaşyk bölüminiň we Dänew etrap Bilim bölüminiň işgärleri gatnaşyp, internet torunyň mümkinçilikleri we olardan ýerlikli peýdalanmagyň ähmiýeti dogrusynda ýaşlara degerli maslahatlaryny berýärler.
Gülbahar BEŞIMOWA,
TMÝG-niň Lebap welaýatynyň Dänew etrap Geňeşiniň
guramaçylyk bölüminiň esasy hünärmeni.
