Ýakynda Türkmenistanyň Magtymguly adyndaky Ýaşlar guramasynyň Ahal welaýatynyň Bäherden etrap Geňeşiniň, etrabyň bedenterbiýe we sport bölüminiň bilelikde guramagynda etrabyň sport mekdebinde ýokary synp mekdep okuwçylarynyň arasynda woleýbol ýaryşy geçirildi. Ýaryşa umumybilim berýän orta mekdepleriniň aglabasyndan toparlar gatnaşyp, woleýbolda ukyp-başarnygyny, ussatlygyny görkezdiler.
Okuwçy ýaşlaryň sagdyn durmuş ýörelgelerine berk eýerýändigine, sporty özüne hemra edinýändigine ýaryşyň dowamynda anyk göz ýetirmek mümkin boldy, Gyzykly we çekeleşikli duşuşyklaryň netijesinde güýçli toparlar ýüze çykdy. Şeýlelikde, «Rowaç» topary birinji, «Ýaşlyk» topary ikinji, «Nesil» topary üçünji orny eýelediler. Ýeňijilere TMÝG-niň etrap Geňeşi tarapyndan ýadygärlik sowgatlary dabaraly ýagdaýda gowşuryldy.
Bezirgen BAÝRAMOW,
TMÝG-niň Ahal welaýatynyň Bäherden
etrap Geňeşiniň esasy hünärmeni.
