Golaýda Türkmenistanyň Magtymguly adyndaky Ýaşlar guramasynyň Ahal welaýatynyň Babadaýhan etrap Geňeşiniň, etrap bilim bölüminiň hem-de «Türkmenistan» Ýaşlar bedenterbiýe-sport guramasynyň welaýat bölüminiň bilelikde guramagynda etrabyň 19-njy orta mekdebinde 14-15 ýaşly okuwçylaryň arasynda şaşka ýaryşy geçirildi.
«Pähim-paýhas ummany Magtymguly Pyragy» ýylyna bagyşlanan ýaryşa etrapdaky orta mekdepleriň ählisinden okuwçy oglan-gyzlar gatnaşyp, şaşkada sport ussatlygyny görkezdiler. Gyzykly duşuşyklara baý bolan şaşka ýaryşynyň netijesinde etrabyň 15-nji orta mekdebiniň okuwçylary I, 12-nji orta mekdebiniň topary II, 19-njy orta mekdebiniň topary III orny eýeledi. Ýeňijilere hormat hatlary dabaraly ýagdaýda gowşuryldy.
Leýli BEGENJOWA,
TMÝG-niň Ahal welaýatynyň Babadaýhan etrap Geňeşiniň
sanly ulgam boýunça esasy hünärmeni.
