Golaýda Daşoguz welaýat hem-de Akdepe etrap häkimlikleri Türkmenistanyň Magtymguly adyndaky Ýaşlar guramasynyň Daşoguz welaýat hem-de Akdepe etrap Geňeşleri bilen bilelikde, “Bagtyýar nesil” çagalar sagaldyş we dynç alyş merkezinde Çagalary goramagyň halkara güni mynasybetli, “Çagalaryň bagtyýarlygy – Watanymyzyň buýsanjydyr” atly baýramçylyk dabarasyny geçirdi. Oňa ýerli welaýat hem-de etrap jemgyýetçilik guramalarynyň wekilleri, bilim işgärleri gatnaşdylar. Bu ýerde sungatyň ýaş wekilleriniň ýerine ýetiren aýdym-sazly çykyşlary dabaranyň şowhunyny has-da artdyrdy. Çäre özüniň ýatda galyjylygy bilen tapawutlandy.
Berdimyrat KAKAÝEW,
TMÝG-niň Daşoguz welaýatynyň
Akdepe etrap Geňeşiniň başlygy.
