Hormatyny halkyň içinden gözläp,
Geçmişiň, geljegiň beýanyn sözläp,
Paýhas ýumagyny bir başdan çözläp,
Halkyna ýetiren Magtymgulydyr.
Pähminden döredip gelejege ýol,
Jahan içre synmaz sütün gurdy ol,
Agzybirlik ündäp, halka berip gol,
Il derdin göteren Magtymgulydyr.
Köňülleriň nagşy, bakylyk nury ,
Üç ýüz ýyldan bäri päk kalby diri,
Beýik Hakyň sadyk gullarnyň biri,
Halka ynam beren Magtymgulydyr.
Arzuw eden zamanasy gelendir,
Türkmenim berkarar döwlet gurandyr,
Alysdan guwanyp, synlap durandyr,
Köňülde köşk guran Magtymgulydyr.
Oguldursun NEJMEDDINOWA,
Ýagşygeldi Kakaýew adyndaky Halkara
nebit we gaz uniwersitetiniň talyby.
