Ýakynda şeýle at bilen Türkmenistanyň Magtymguly adyndaky Ýaşlar guramasynyň Ahal welaýatynyň Bäherden etrap Geňeşi tarapyndan etrap häkimliginiň mejlisler zalynda edara-kärhanalarda zähmet çekýän ýaşlaryň gatnaşmagynda wagyz-nesihat duşuşygy geçirildi.
Ýurdumyzda ýaşlar baradaky döwlet syýasatyny üstünlikli amala aşyrmak, ýaşlaryň ylymly-bilimli, watansöýüji, zähmetsöýer we ynsanperwer adamlar bolup ýetişmegini gazanmak, olaryň ýaramaz endiklerden daşda durmagyny gazanmak maksady bilen geçirilen duşuşykda çykyşlara giň oru berildi. Duşuşykda bellenilişi ýaly, ýurdumyzyň ilatynyň esasy bölegi ýaş nesillerden ybaratdyr. Şoňa görä-de, häzirki döwürde ýaşlaryň jemgyýetçilik-syýasy işjeňligi barha ýokarlanýar. Ýaşlaryň döwlet durmuşyna doly derejede gatnaşmagy üçin giň mümkinçilikleri döretmek, olaryň jemgyýetçilik-syýasy işjeňligini, şahsy başlangyçlaryny goldamak we höweslendirmek ýurdumyzda durmuşa geçirilýän ýaşlar syýasatynyň esasyny düzýär.
Duşuşygyň barşynda aýdylan gymmatly öwüt-ündewler ýaşlarda uly täsirleri döretdi. Oňa gatnaşanlar ýaş nesliň bagtyýarlygy babatda döwlet derejesinde edilýän aladalar üçin Arkadagly Gahryman Serdarymyzyň we Gahryman Arkadagymyzyň adyna alkyş sözlerini aýtdylar.
Söhbet HOJAMUHAMMEDOW,
TMÝG-niň Ahal welaýatynyň Bäherden
etrap Geňeşiniň bölüm müdiri.
