Türkmenistanyň Magtymguly adyndaky Ýaşlar guramasynyň Ahal welaýatynyň Ak bugdaý etrap geňeşiniň we ilkinji guramalarynyň işgärleri, işjeň agzalary ýurdumyzyň beýik ösüş-özgertmelerine buýsanýarlar hem-de döwrümiziň ajaýyp wakalaryna gyzgyny bilen seslenýärler, Olar milli tele we radio ýaýlymlarda, gazet-žurnallarda yzygiderli çykyş edip, ýürek buýsançlaryny beýan edýärler.
«Metbugat — döwrüň aýnasy» diýilýär. Döwürleýin metbugatda, gazet-žurnallaryň sahypalarynda Watanymyzyň gündelik durmuşynda bolup geçýän habarlar, taryhy wakalar, dürli ugurlarda gazanylýan üstünlikler beýan edilýär. Şoňa görä-de, 2024-nji ýylyň ikinji ýarymy üçin ýurdumyzyň döwürleýin neşirlerine ilkinjileriň hatarynda abuna ýazyldyk. Ýaşlarymyzyň aglabasy gazetdir žurnallaryň çap edilýän görnüşine, şeýle-de elektron görnüşine irki möhletde ýazyldylar. Şonda «Türkmenistan», «Arkadag», «Nesil», «Ahal durmuşy» ýaly gazetlere, «Zenan kalby» žurnalyna ýazylanlar has köp boldy. «Türkmenmetbugat» mobil goşundysynyň «Merkezi gazet-žurnallar we welaýat gazetleri» bukjasyna ýazylan ýaşlar hem az däl. Biz geljekde hem etrabymyzyň ýaşlarynyň durmuşynda bolup geçýän wakalary beýan edýän habarlarymyzdyr makalalarymyz bilen söýgüli neşirlerimizde çykyş edip durarys.
Rejepgeldi ATAJANOW,
TMÝG-niň Ahal welaýatynyň Ak bugdaý
etrap Geňeşiniň guramaçylyk bölüminiň müdiri.
