Milli medeniýetimizi hemmetaraplaýyn ösdürmek baradaky döwlet derejesinde alnyp barylýan tutumly işler halkymyzyň, aýratyn hem, ýaş nesliň ata Watanymyza, şöhratly taryhymyza, milliligimize bolan buýsanjyny artdyrýar.
Düýn “Aşgabat” aýdym-saz merkezinde Türkmenistanyň Magtymguly adyndaky Ýaşlar guramasynyň Merkezi Geňeşi hem-de Türkmenistanyň Bilim ministrligi bilen bilelikde ýurdumyzyň ýokary okuw mekdepleriniň çeper höwesjeň talyp ýaşlarynyň arasynda «Talyp joşguny — 2024» atly döredijilik festiwalynyň jemleýji tapgyry uly ruhubelentlik bilen geçirildi.
Döredijilik festiwalyna ýurdumyzyň jemgyýetçilik guramalarynyň ýolbaşçylary, ýokary okuw mekdepleriniň rektorlary, mugallymlar hem-de talyp ýaşlar gatnaşdylar.
