Ahal welaýatynyň Bäherden etrabyndaky umumybilim berýän orta mekdeplerini 2023-2024-nji okuw ýylynda tamamlan ýaşlara orta bilim hakyndaky şahadatnamalar dabaraly ýagdaýda gowşuryldy. Tamamlanan okuw ýylynda etrap boýunça ýaşlaryň 1 müň 659-sy mekdep uçurymlary bolup, olar gutardyş döwlet synaglaryny üstünlikli tabşyrdy. Türkmenistanyň Magtymguly adyndaky Ýaşlar guramasynyň etrap Geňeşiniň we ilkinji guramalarynyň işgärleriniň gatnaşmagynda şol bagtyýar ýaşlara orta bilim hakyndaky şahadatnamalaryň dabaraly ýagdaýda gowşurylmagy olaryň durmuşynda ýatdan çykmajak waka öwrüldi.
Bagtyýar ýaşlaryň her biriniň ajaýyp arzuwy bar. Olaryň aglabasy bilimini ýurdumyzyň, ýene bir topary daşary ýurtlaryň ýokary okuw mekdeplerinde dowam etdirmäge arzuw edýär. Munuň üçin döwletimiz tarapyndan ähli şertlerdir mümkinçilikler döredilendir. Biz ýaşlara durmuşda uly üstünlikleri, maksatlarynyň myrat tapmagyny arzuw edýäris.
Rejepnur ATAÝEW,
TMÝG-niň Ahal welaýatynyň
Bäherden etrap Geňeşiniň başlygy.
