Türkmenistanyň Magtymguly adyndaky Ýaşlar guramasynyň Ahal welaýat Geňeşi bilen Türkmenistanyň Telewideniýe, radiogepleşikler we kinematografiýa baradaky döwlet komitetiniň Ahal welaýat teleradio studiýasynyň bilelikde guramagynda Änew şäherindäki Türkmenistanyň Milli «Ak bugdaý» muzeýinde «tegelek stoluň» başynda söhbetdeşlik geçirildi. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Şanhaý Hyzmatdaşlyk Guramasynyň nobatdaky Sammitinde eden çuň manyly çykyşynyň taryhy ähmiýetine bagyşlanan söhbetdeşlige welaýatymyzyň jemgyýetçilik guramalarynda zähmet çekýän ýaşlar gatnaşdy.
Söhbetdeşlikde çykyş edenleriň belleýşi ýaly, Gahryman Arkadagymyzyň oňyn başlangyçlary bu gün hormatly Prezidentimiz Serdar Berdimuhamedowyň baştutanlygynda mynasyp dowam etdirilip, Türkmenistanyň oňyn Bitaraplyk, parahatçylyk söýüjilik we giň netijeli hyzmatdaşlyk ýörelgelerine esaslanýan daşary syýasy strategiýasy üstünlikli durmuşa geçirilýär, abraýly sebit we halkara guramalary bilen netijeli gatnaşyklar pugtalandyrylýar. Gahryman Arkadagymyzyň Gazagystan Respublikasynyň paýtagty Astana şäherinde geçirilen Şanhaý Hyzmatdaşlyk Guramasynyň Sammitinde hormatly myhman hökmünde gatnaşmagy munuň nobatdaky subutnamasy boldy.
Söhbetdeşlige gatnaşanlar Gahryman Arkadagymyz Gurbanguly Berdimuhamedowyň Şanhaý Hyzmatdaşlyk Guramasynyň nobatdaky Sammitinde eden çuň manyly çykyşynyň taryhy ähmiýetine ünsi çekip, berkarar Watanymyzyň Ýer ýüzündäki şan-şöhratynyň barha arşa göterilmegi türkmen ýaşlarynda guwanç we buýsanç duýgusyny döredýändigini bellediler. Ýaşlar şeýle bagtyýar döwri peşgeş berip, Diýarymyzy bagtyýarlygyň, abadançylygyň, dost-doganlygyň mekanyna öwren Gahryman Arkadagymyzyň we Arkadagly Gahryman Serdarymyzyň adyna alkyş sözlerini aýtdylar.
Merdanaly ORAZBERDIÝEW,
TMÝG-niň Ahal welaýat Geňeşiniň başlygy.
