Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi etrabyň jemgyýetçilik guramalary bilen bilelikde, tomusky dynç alyş möwsüminde mekdep okuwçylarynyň wagtyny gyzykly, şadyýan geçirmekleri maksady bilen, Şabat şäherindäki 1-nji sport desgasynda «Sport – sagdynlygyň gözbaşy» şygary astynda sportuň futbol görnüşi boýunça bäsleşik geçirdi. Ýaryşa etrabyň orta mekdepleriniň mekdep okuwçylary ýokary guramaçylykly hem-de uly ruhubelentlik bilen gatnaşdylar. Onda «Dostluk» we «Şatlyk» toparlary özara bäsleşdiler. Gyzykly we çekeleşikli geçen ýaryşda «Dostluk» topary öňe saýlandy. Ýeňiji topara Ýaşlar guramasynyň ýerli Geňeşi tarapyndan ýadygärlik sowgatlar gowşuryldy.
Farruhbek HAÝITOW,
TMÝG-niň Daşoguz welaýatynyň
Şabat etrap Geňeşiniň başlygy.
