Türkmen türgenleri Halkara olimpiýa komitetiniň Prezidentiniň çakylygy boýunça 2024-nji ýylyň 26-njy iýuny bilen 11-nji awgusty aralygynda Parižde geçiriljek XXXIII tomusky Olimpiýa oýunlaryna gatnaşarlar. Bu möhüm sport çäresi mynasybetli Aşgabat şäherindäki Olimpiýa şäherçesiniň Başa-baş söweş sungaty sport toplumynda XXXIII tomusky Olimpiýa oýunlaryna gatnaşýan Türkmenistanyň milli ýygyndy toparyna ak pata bermek dabarasy geçirildi.
Ak pata bermek dabarasynda ol ýere ýygnananlar XXXIII tomusky Olimpiýa oýunlaryna gatnaşýan Türkmenistanyň milli ýygyndy toparyna Türkmenistanyň Prezidenti hormatly Serdar Berdimuhamedowyň iberen Gutlagyny uly ruhubelentlik duýgusy bilen diňlediler. Soňra buýsançly çykyşlara orun berildi. Çykyşlarda Gahryman Arkadagymyzyň başyny başlamagynda, Arkadagly Gahryman Serdarymyzyň tagallalary bilen ýurdumyzda täze ösüş basgançaklaryna çykýan milli sport ulgamy barada buýsançly gürrüňler edildi. Türkmenistanyň ýygyndy toparynyň türgenleriniň adyndan çykyş etmek dzýudo boýunça Gran-pri ýaryşynyň altyn medalynyň eçesi Serdar Rahimowyň paýyna düşdi.
Ak pata bermek dabarasyna gatnaşanlaryň adyndan Türkmenistanyň hormatly Prezidentine Ýüzlenme kabul edildi. Dabara gatnaşanlar Türkmenistanyň medeniýet we sungat ussatlarynyň aýdym-sazly çykyşlaryna tomaşa etdiler.
“Arkadagly Ýaşlar” atly
elektron žurnaly.
